Posts in அன்றன்றுள்ள அப்பம்
தூக்கியெடுப்பவர்!

"பயங்கரமான குழியிலும் உளையான சேற்றிலுமிருந்து என்னைத் தூக்கியெடுத்து என் கால்களைக் கன்மலையின் மேல் நிறுத்துகிறார்" (சங். 40:2).

கர்த்தர் உங்களை உளையான சேற்றிலிருந்து தூக்கியெடுக்கிறவர். மட்டுமல்ல, கன்மலையின் மேல் நிறுத்துகிறவர். ஆழமான பாதாளத்திலிருந்து தூக்கியெடுத்து, உன்னதங்களுக்கு, உயர்ஸ்தலங்களுக்கு உயர்த்துகிறவர்.

துறைமுகத்திலே நின்று நீங்கள் பார்ப்பீர்களென்றால், அங்கே கப்பலிலுள்ள சரக்குகளை ஒரு பெரிய கிரேன் (Crane) அப்படியே தூக்கி, மிக உயரமாய் உயர்த்தி, கரையிலே நின்று கொண்டிருக்கும் லாரியின் மேல் வைக்கும். லாரி நிரம்பியதும், அது சரக்குகளை உரிய இடத்துக்கு எடுத்துச் செல்லும். அந்த கிரேன் தூக்கி உயர்த்துவதைப் பார்க்க, மிகுந்த ஆச்சரியமாகவும், அதிசயமாகவும் இருக்கும். அதின் பெரிய கை நம்முடைய கைகளைப் பார்க்கிலும், எத்தனை வலிமையுள்ள கையாக இருக்கிறது என்பதை கவனிக்க முடியும். மிகப் பெரிய சரக்குப் பெட்டகங்களை ஆகாயத்திலே தூக்கிச் செல்லுவது, அவ்வளவு ஆச்சரியமாயிருக்கும்.

சரக்குகளை உயர்த்தி, கிரேனானது இடமாற்றம் செய்வதைப் போலவே கர்த்தர் நமக்குச் செய்கிறார். சிலுவையிலே அறையப்பட்ட ஒரு கள்ளனுக்கு அந்த வெளிப்பாடு இருந்தது. "இயேசுகிறிஸ்து தன்னை தூக்கி உயர்த்துகிறவர்" என்று அவன் உணர்ந்ததினாலே, "ஆண்டவரே, நீர் உம்முடைய ராஜ்யத்தில் வரும்போது அடியேனை நினைத்தருளும்" (லூக். 23:42) என்று வேண்டிக்கொண்டான். என்ன ஆச்சரியம் பாருங்கள்! உடனே கர்த்தருடைய பலமுள்ள கரம் இயங்க ஆரம்பித்தது. பாதாளத்தின் வாசலிலே நின்றுகொண்டிருந்த அந்த கள்ளனை எடுத்து, உயர்த்தி மூன்றாம் வானமாகிய பரதீசுக்கு உயர்த்தினது. "இன்றைக்கு நீ என்னுடனேகூடப் பரதீசிலிருப்பாய்" (லூக். 23:43) என்று இயேசு சொன்னார்.

அந்த தேவன் உங்களுடைய தாழ்விலே உங்களை நினைத்து, உயர்த்துகிறவர். யோசேப்பை, அவருடைய சொந்த சகோதரர்கள் குழியிலே தூக்கிப் போட்டார்கள். ஆனால் யோசேப்பு, குழியிலே போடும்படி அழைக்கப்பட்டவரல்ல. எகிப்துக்கு அதிகாரியாய் உயரும்படி அழைக்கப்பட்டவர். கர்த்தர் ஒருவரை உயர்த்த நினைக்கும்போது அதை யாராலும் தடுக்கவே முடியாது. ஒருவேளை, பொல்லாத மனுஷர் உங்களை படுகுழியிலே தள்ள முயற்சிக்கக்கூடும். கர்த்தருடைய கரத்தை நோக்கிப் பாருங்கள். உங்களுடைய சத்துருக்கள் நினைத்திராத அளவு, அவர் உங்களை மேன்மையாய் உயர்த்தி ஆசீர்வதிப்பார்.

கர்த்தர் உளையான சேற்றிலிருந்து எடுத்து, உங்களைக் கன்மலையின் மேல் நிறுத்தியிருக்கிறார். நீங்கள் கன்மலையாகிய கிறிஸ்துவிலே வாசம் பண்ணுகிறீர்கள். வேதம் சொல்லுகிறது, "கன்மலைகளிலே குடியிருக்கிறவர்கள் கெம்பீரித்து, பர்வதங்களின் கொடுமுடியிலிருந்து ஆர்ப்பரிப்பார்களாக" (ஏசாயா 42:11).

தேவபிள்ளைகளே, கர்த்தர் உங்களை உயர்த்தும்போது, மனுஷருக்கு மேலாக மட்டுமல்ல, தேவதூதர்களுக்கு மேலாகவும் உயர்த்துவார். பலமுள்ள தேவதூதர்களையெல்லாம் உங்களுக்குப் பணிவிடை ஆவிகளாய் கொடுக்கிறார் என்றால், உங்களுடைய உயர்வு எவ்வளவு பெரிய உயர்வு என்பதை சிந்தித்துப் பாருங்கள்! "அவர் கிறிஸ்துவுக்குள் உன்னதங்களிலே ஆவிக்குரிய சகல ஆசீர்வாதத்தினாலும் நம்மை ஆசீர்வதித்திருக்கிறார்" (எபே. 1:3).

நினைவிற்கு:- "அவன் கொம்பு மகிமையாய் உயர்த்தப்படும். துன்மார்க்கன் அதைக் கண்டு மனமடிவாகி, தன் பற்களைக் கடித்துக் கரைந்துபோவான்" (சங்.112:9,10).

Read More
விடுவிப்பவர்!

"நீதிமானுக்கு வரும் துன்பங்கள் அநேகமாயிருக்கும்; கர்த்தர் அவைகளெல்லாவற்றிலும் நின்று அவனை விடுவிப்பார்" (சங். 34:19).

நம்முடைய தேவன் விடுவிக்கிற தேவன். இன்றைக்கு உங்களுக்கு இருக்கக்கூடிய எல்லாத் துன்பங்களிலிருந்தும் அவர் உங்களை விடுவிப்பார். "நின்று விடுவிப்பார்" என்று சொல்லுவதைக் கவனியுங்கள். உங்களை விடுவிக்கும்படி, அவர் எழுந்து நின்று கொண்டிருக்கிறார். ஆகவே, துன்பங்களைக் குறித்து நீங்கள் கவலைப்பட வேண்டியதேயில்லை.

Read More
போதிப்பவர்!

"நான் உனக்குப் போதித்து, நீ நடக்கவேண்டிய வழியை உனக்குக் காட்டுவேன்; உன் மேல் என் கண்ணை வைத்து, உனக்கு ஆலோசனை சொல்லுவேன்" (சங். 32:8).

எத்தனை அருமையான ஒரு வாக்குத்தத்தம்! "நான் உனக்குப் போதிப்பேன்; வழியை காட்டுவேன்; என் கண்ணை உன் மேல் வைப்பேன்; உனக்கு ஆலோசனை சொல்லுவேன்" என நான்கு காரியங்களைக் கர்த்தர் இங்கே குறிப்பிடுகிறார். கர்த்தர் உங்களுக்குப் போதிக்கிறது நித்தியமான, ஆசீர்வாதமான போதனையாகும். அதன்படி செய்தால், நீங்கள் ஜெயங்கொண்டவர்களா விளங்குவீர்கள்; நித்தியத்தில் பரலோக ராஜ்யத்தை சுதந்தரித்துக் கொள்ளுவீர்கள்.

Read More
கூடவேயிருப்பவர்!

"நான் மோசேயோடே இருந்ததுபோல, உன்னோடும் இருப்பேன்; நான் உன்னைவிட்டு விலகுவதுமில்லை, உன்னைக் கைவிடுவதுமில்லை" (யோசுவா 1:5).

கர்த்தர் இருக்கிறவராகவே இருக்கிறவர், அன்பாயிருக்கிறவர், அடைக்கலமாயிருக்கிறவர், அரணாயிருக்கிறவர், கோட்டையாயிருக்கிறவர், சிருஷ்டிகராயிருக்கிறவர், சமீபமாயிருக்கிறவர். எல்லாவற்றிற்கும் மேலாக அவர் கூடவேயிருக்கிறவர்.

Read More
யுத்தம் பண்ணுபவர்!

"கர்த்தர் உங்களுக்காக யுத்தம் பண்ணுவார்; நீங்கள் சும்மாயிருப்பீர்கள்" (யாத். 14:14).

மோசே இஸ்ரவேல் ஜனங்களைப் பார்த்து, "நீங்கள் பயப்படவும், கலங்கவும் வேண்டாம். கர்த்தர் உங்களுக்காக யுத்தம் செய்வார். நீங்கள் எதுவும் செய்யாமலிருந்தால் போதும்" என்று சொன்னார்.

Read More
நீதியுள்ளவர்!

"நீதிமானையும் துன்மார்க்கனையும் சமமாய் நடப்பிப்பது உமக்குத் தூரமாயிருப்பதாக; சர்வலோக நியாயாதிபதி நீதிசெய்யாதிருப்பாரோ என்றான்" (ஆதி. 18:25).

ஆபிரகாம், கர்த்தரை "சர்வலோக நியாயாதிபதி" என்று குறிப்பிடுகிறார். ஆம்! அவர் எல்லா நீதிபதிகளிலும் பெரிய நீதிபதி, வல்லமையுள்ள நீதிபதி, சர்வலோக நீதிபதி. அவர் நிச்சயமாகவே உங்களுக்கு நீதி செய்வார். பிதா, "நீதியுள்ள பிதா" (யோவா. 17:25) என்றும் , குமாரனாகிய இயேசுகிறிஸ்து, "நீதியுள்ளவர்" (1 கொரி. 1:31) என்றும், பரிசுத்த ஆவியானவராகிய மெல்கிசேதேக்கு, "நீதியின் ராஜா" என்றும் (எபி. 7:2) வேதம் சொல்லுகிறது. ஆம்! திரித்துவ தேவன் நீதியுள்ளவர்.

Read More
நிலைநிறுத்த வல்லவர்!

"மற்றொருவனுடைய வேலைக்காரனைக் குற்றவாளியாகத் தீர்க்கிறதற்கு நீ யார்? அவன் நின்றாலும் விழுந்தாலும் அவனுடைய எஜமானுக்கே அவன் உத்திரவாதி; அவன் நிலைநிறுத்தப்படுவான்; தேவன் அவனை நிலைநிறுத்த வல்லவராயிருக்கிறாரே" (ரோமர் 14:4).

உங்களை உருவாக்கின கர்த்தர், உங்களுக்காக ஜீவனைக் கொடுத்த கர்த்தர், உங்களை நிலைநிறுத்த வல்லவராயிருக்கிறார். ஓரல் ராபர்ட்ஸ் அடிக்கடி "நம்முடைய தேவன் நல்ல தேவன். ஆனால் பிசாசோ, கெட்ட பிசாசு" என்று சொல்லுவதுண்டு. தேவனை, "நல்ல தேவன்" என்று நிறுத்திவிடாமல், அதோடு கூட சாத்தானை சுட்டிக்காட்டி, அவனை "கெட்டவன்" என்றும் எச்சரிக்கிறார்.

Read More
கர்த்தர் வல்லவர்!

"நாங்கள் ஆராதிக்கிற எங்கள் தேவன் எங்களைத் தப்புவிக்க வல்லவராயிருக்கிறார்" (தானி. 3:17).

கர்த்தர் உங்களுக்கு நல்லவராகவும், வல்லவராகவும் இருக்கிறார். கர்த்தர் உங்கள் வாழ்க்கையிலே பல அனுபவங்களை, மீண்டும் மீண்டும் உங்களுக்குத் தந்து, தாம் வல்லவர் என்பதை உறுதிப்படுத்துகிறார். வேதம் முழுவதிலும் உள்ள பரிசுத்தவான்களுடைய வாழ்க்கையில், "கர்த்தர் வல்லவர்" என்பதை காணலாம்.

Read More
பாதுகாக்க உண்மையுள்ளவர்!

"சமாதானத்தின் தேவன் தாமே உங்களை முற்றிலும் பரிசுத்தமாக்குவாராக. உங்கள் ஆவி ஆத்துமா சரீரம் முழுவதும், நம்முடைய கர்த்தராகிய இயேசுகிறிஸ்து வரும்போது குற்றமற்றதாயிருக்கும்படி காக்கப்படுவதாக. உங்களை அழைக்கிறவர் உண்மையுள்ளவர், அவர் அப்படியே செய்வார்" (1 தெச. 5:23,24).

கர்த்தர் உண்மையுள்ளவர். உங்களை கடைசி வரையிலும் பாதுகாத்து நிலை நிறுத்த உண்மையுள்ளவர். ஒரு சகோதரி, சிறுவயதிலிருந்தே கம்யூனிச ஆட்சியின் கீழிருந்த, போலந்து தேசத்தில் வளர்ந்தார்கள். அவர்கள் சொன்னார்கள்: "கம்யூனிச அரசாங்கம், தமது குடிமக்களுடைய வாழ்க்கையின் ஒவ்வொரு அம்சத்தையும் கட்டுப்படுத்தி வந்தது. அவர்கள் என்ன சாப்பிட வேண்டும், எத்தனை பிள்ளைகளை பெற்றுக்கொள்ள வேண்டும், எப்படி பிள்ளைகளை வளர்க்க வேண்டும் என்பதெற்கெல்லாம் கூட நிபந்தனைகள் விதித்தனர்."

Read More
தீமையினின்று காப்பதில் உண்மையுள்ளவர்!

"கர்த்தரோ உண்மையுள்ளவர், அவர் உங்களை ஸ்திரப்படுத்தி, தீமையினின்று விலக்கிக் காத்துக்கொள்ளுவார்" (2 தெச. 3:3).

இந்த உலகத்தில் எத்தனையோ விதமான தீமைகள் போராடுகின்றன. பகலிலும், இரவிலும், எந்தத் தீங்கு எப்படி, எப்போது வரும் என்று உங்களுக்குத் தெரியாது. எதிர்பாராதவிதமாக கண்ணிகளையும், உங்கள் கால்களுக்கு வலைகளையும் சந்திக்க வேண்டியதிருக்கிறது. ஆனாலும், "கர்த்தர் எல்லாத் தீமையினின்றும் என்னை இரட்சித்து, தம்முடைய பரம ராஜ்யத்தை அடையும்படி காப்பாற்றுவார்" (2 தீமோ. 4:18).

Read More
சோதனையில் உண்மையுள்ளவர்!

"மனுஷனுக்கு நேரிடுகிற சோதனையேயல்லாமல் வேறே சோதனை உங்களுக்கு நேரிடவில்லை. தேவன் உண்மையுள்ளவராயிருக்கிறார்" (1 கொரி. 10:13).

நம் தேவன், நீங்கள் ஆவிக்குரியபடி வளர்ந்து முடிவில் தன்னைப் போல மாற வேண்டும், அவருடைய குணாதிசயங்களை உடைவர்களாயிருக்க வேண்டுமென்று விரும்புகிறார். "தேவன் எவர்களை முன்னறிந்தாரோ அவர்களைத் தமது குமாரனுடைய சாயலுக்கு ஒப்பாயிருப்பதற்கு முன்குறித்திருக்கிறார்" (ரோம. 8:29). நீங்கள் சோதனையில் வெற்றி பெற்று பூரணத்தை அடையும்வரை, எல்லாவிதத்திலும் உங்களுக்கு உதவி செய்ய அவர் உண்மையுள்ளவராயிருக்கிறார்.

Read More
மன்னித்து சுத்திகரிப்பதில் உண்மையுள்ளவர்!

"நம்முடைய பாவங்களை நாம் அறிக்கையிட்டால், பாவங்களை நமக்கு மன்னித்து எல்லா அநியாயத்தையும் நீக்கி நம்மைச் சுத்திகரிப்பதற்கு அவர் உண்மையும் நீதியும் உள்ளவராயிருக்கிறார்" (1 யோவா. 1:9).

நம் தேவன் மன்னிப்பதில் உண்மையுள்ளவர். மன்னிப்பதற்கு தயவு பெருத்தவர். மன்னிப்பதற்காகவே இரத்தம் சிந்தினவர். மன்னிப்பதற்காகவே நியாயப்பிரமாணத்தின்படி, நித்தியமான பலியாகத் தம்மை ஒப்புக்கொடுத்தவர்.

Read More
செவ்வாய்திட்டங்களில் உண்மையுள்ளவர்!

"கர்த்தாவே, நீரே என் தேவன். உம்மை உயர்த்தி, உமது நாமத்தைத் துதிப்பேன்; நீர் அதிசயமானவைகளைச் செய்தீர்; உமது பூர்வ ஆலோசனைகள் சத்தியமும் உறுதியுமானவைகள்" (ஏசா. 25:1).

ஏசாயா தீர்க்கதரிசி, "நான் உம்முடைய நாமத்தை உயர்த்தி துதிப்பேன். நீர் அதிசயமானவைகளை செய்தீர். உம்முடைய பூர்வ ஆலோசனைகள் சத்தியமும் உறுதியுமானவைகள்" என்று சொல்லி, தேவனை துதிக்கிறார். இதோ, சங்கீதக்காரனும், "என் கருவை உம்முடைய கண்கள் கண்டது; என் அவயவங்களில் ஒன்றாகிலும் இல்லாதபோதே அவைகள் அனைத்தும், அவைகள் உருவேற்படும் நாட்களும், உமது புஸ்தகத்தில் எழுதியிருந்தது" (சங். 139:16) என்று சொல்லுகிறார்.

Read More
கூப்பிடுகிறவர்களுக்கு உண்மையுள்ளவர்!

"தம்மை நோக்கிக் கூப்பிடுகிற யாவருக்கும், உண்மையாத் தம்மை நோக்கிக் கூப்பிடுகிற யாவருக்கும், கர்த்தர் சமீபமாயிருக்கிறார்" (சங். 145:18).

கர்த்தர் உண்மையுள்ளவர். "தம்மை நோக்கிக் கூப்பிடுகிறவர்களுக்கு சமீப மாயிருப்பேன்" என்று வாக்களித்த அவர், உண்மையுள்ளவர். நீங்கள் உண்மையாய் கர்த்தரை நோக்கிக் கூப்பிடும்போது, அவர் உங்கள் அருகிலே வந்து, அன்போடு விசாரிப்பார்; தேவைகளையெல்லாம் சந்திப்பார்.

Read More
உண்மையின் தன்மை!

"கர்த்தருடைய வார்த்தை உத்தமமும், அவருடைய செய்கையெல்லாம் சத்தியமுமாயிருக்கிறது" (சங். 33:4).

கர்த்தர் தம் வார்த்தைகளிலும், உங்களைக் குறித்த நினைவுகளின் செயல்களிலும் சத்தியமுள்ளவர். உங்களுடைய வாழ்க்கையின் ஒவ்வொரு பகுதியிலும் உங்களுக்கு நன்மை செய்யும்படியாகவே உண்மையுள்ள வராயிருக்கிறார்.

Read More
உடன்படிக்கையில் உண்மையுள்ளவர்!

"ஆகையால் உன் தேவனாகிய கர்த்தரே தேவன் என்றும், தம்மில் அன்புகூர்ந்து, தமது கற்பனைகளைக் கைக்கொள்ளுகிறவர்களுக்கு அவர் ஆயிரம் தலைமுறைமட்டும் உடன்படிக்கையையும் தயவையும் காக்கிற உண்மையுள்ள தேவன் என்றும்... நீ அறியக்கடவாய்" (உபா. 7:9,10).

நம் தேவன் உடன்படிக்கையில் உண்மையுள்ளவர். உடன்படிக்கை என்பது, இரு நபர்களுக்கிடையே ஒரு காரியத்தைக் குறித்து செய்யப்படும் தீர்மானமாகும். பண்டைய காலங்களில், ஒருவருக்கொருவர் பல காரியங்களைக் குறித்து உடன்படிக்கை செய்துகொள்ளுவார்கள். அது இரு நாடுகளின் தலைவர்களுக்கிடையே, இரண்டு நிறுவன அதிபர்களுக்கிடையே ஏற்படும் உடன்படிக்கையாக இருக்கலாம்.

Read More
வாக்குத்தத்தங்களில் உண்மையுள்ளவர்!

"உங்கள் தேவனாகிய கர்த்தர் உங்களுக்காகச் சொன்ன நல்வார்த்தைகளிலெல்லாம் ஒரு வார்த்தையும் தவறிப்போகவில்லை என்பதை உங்கள் முழு இருதயத்தாலும் உங்கள் முழு ஆத்துமாவாலும் அறிந்திருக்கிறீர்கள்" (யோசு. 23:14).

வேதம் முழுவதும் கர்த்தருடைய வாக்குத்தத்தங்கள் நிரம்பியிருக்கின்றன. கர்த்தருடைய வாக்குத்தத்தங்களும், தீர்க்கதரிசனங்களும் அன்றும் நிறைவேறி, இன்றைக்கும் நிறைவேறிக் கொண்டிருக்கின்றன. யோசுவா, இஸ்ரவேல் மக்களை வழிநடத்தும் பொறுப்பை ஏற்றுக்கொள்ளுவதற்கு முன்பாக, மோசேக்கு எல்லா விதத்திலும் உதவியாக இருந்தார். கர்த்தர் மோசேயிடம் பேசின வார்த்தைகளுக்கும், மோசே மூலமாக நடப்பித்த அற்புதங்களுக்கும் யோசுவா சாட்சியாக விளங்கினார்.

Read More
வார்த்தையில் உண்மையுள்ளவர்!

"பொய் சொல்ல தேவன் ஒரு மனிதன் அல்ல; மனம்மாற அவர் ஒரு மனுபுத்திரனும் அல்ல; அவர் சொல்லியும் செய்யாதிருப்பாரா? அவர் வசனித்தும் நிறைவேற்றாதிருப்பாரா?" (எண். 23:19).

கர்த்தர் வார்த்தையில் உண்மையுள்ளவர். அதை நிறைவேற்ற உண்மையுள்ளவர். சர்வவல்லருடைய வார்த்தை வெளிவந்தபோது, அது சிருஷ்டிப்பின் ஒரு கிரியையாக மாறினது. ஆதியிலே கர்த்தர், "வெளிச்சம் உண்டாகக்கடவது" என்றார்; வெளிச்சம் உண்டாயிற்று. "பகலும் இரவும் உண்டாகக்கடவது" என்றார்; அது அப்படியே ஆயிற்று.

Read More
உண்மையுள்ளவர்!

"தம்முடைய குமாரனும் நம்முடைய கர்த்தருமாயிருக்கிற இயேசு கிறிஸ்துவுடனே ஐக்கியமாயிருப்பதற்கு உங்களை அழைத்த தேவன் உண்மையுள்ளவர்" (1 கொரி. 1:9).

கர்த்தர் உண்மையுள்ளவர். உங்களை அழைத்த தேவன் உண்மையுள்ளவர். அவர் உங்களை முற்றுமுடிய இரட்சிக்க உண்மையுள்ளவர். உங்களோடு வாக்குத்தத்தம் செய்த தேவன், அதை நிறைவேற்ற உண்மையுள்ளவர்.

Read More
உன்னதமானவர்!

"நான் கர்த்தரை அவருடைய நீதியின்படி துதித்து, உன்னதமான கர்த்தருடைய நாமத்தைக் கீர்த்தனம் பண்ணுவேன்" (சங். 7:17).

"யெகோவா ஈலியோன்" என்ற கர்த்தருடைய நாமம் தமிழில், "உன்னதமான தேவன்" என்று மொழி பெயர்க்கப்படுகிறது. நம்முடைய தேவன் மகா உன்னதமான தேவன். அவர் உன்னதங்களில் வாசம் பண்ணுகிறவர் (சங். 113:5). அவர் உன்னதமும் உயரமுமான சிங்காசனத்தின்மேல் வீற்றிருக்கிறவர்.

Read More