Posts in அன்றன்றுள்ள அப்பம்
இவர்களுக்கு மன்னியும்!

"அப்பொழுது இயேசு: பிதாவே, இவர்களுக்கு மன்னியும், தாங்கள் செய்கிறது இன்னதென்று அறியாதிருக்கிறார்களே என்றார்" (லூக்கா 23:34).

இயேசு சிலுவையிலே அவமானப்படுத்தப்பட்டு, காயப்படுத்தப்பட்டு, மரணத்திற்கு ஒப்புக்கொடுக்கப்பட்டு, ஜீவனை இழக்கும் தருவாயிலும், "பிதாவே இவர்களுக்கு மன்னியும்" என்று மன்றாடினார். மிகக்கடினமான சூழ்நிலையிலும், வேதனைகளுக்கு மத்தியிலும் அதற்குக் காரணமானவர்களை மன்னிக்கும் சுபாவம், இயேசுகிறிஸ்துவை மேன்மையடையச் செய்தது.

Read More
என்னோடேகூட!

"என் ஆத்துமா மரணத்துக்கேதுவான துக்கங்கொண்டிருக்கிறது; நீங்கள் இங்கே தங்கி, என்னோடேகூட விழித்திருங்கள்" (மத். 26:38).

இயேசு சீஷர்களிடம், "என்னோடேகூட விழித்திருங்கள்" என்று சொன்னார். ஆனால் சீஷர்கள் அப்படிச் செய்யாமல் அவர்கள் தூங்கிவிட்டார்கள். அதைக் கண்ட இயேசு, பேதுருவை நோக்கி: "நீங்கள் ஒரு மணி நேரமாவது என்னோடே கூட விழித்திருக்கக்கூடாதா? நீங்கள் சோதனைக்குட்படாதபடிக்கு விழித்திருந்து ஜெபம்பண்ணுங்கள்; ஆவி உற்சாகமுள்ளதுதான், மாம்சமோ பலவீனமுள்ளது என்றார்" (மத். 26:40,41).

Read More
மேல் வீட்டறை!

"மேல்வீட்டிலுள்ள ஒரு பெரிய அறையை உங்களுக்கு காண்பிப்பான்; அங்கே ஆயத்தம்பண்ணுங்கள்" (லூக். 22:12).

பஸ்கா பண்டிகையை ஆசரிப்பதற்காக, ஒரு மேல்வீட்டறையை ஆயத்தம் பண்ணுங்கள் என்று இயேசுகிறிஸ்து சீஷர்களிடம் சொன்னார். "அதை எங்கே ஆயத்தப்படுத்துவது?" என்று சீஷர்கள் கேட்டபோது, "நீங்கள் நகரத்தில் பிரவேசிக்கும்போது, தண்ணீர்க்குடம் சுமந்துவருகிற ஒரு மனுஷன் உங்களுக்கு எதிர்ப்படுவான்; நீங்கள் அவனுக்குப் பின்சென்று, அவன் போகும் வீட்டிற்குள் நீங்களும்போய், அந்த வீட்டெஜமானை நோக்கி: நான் என் சீஷரோடுகூடப் பஸ்காவைப் புசிக்கிறதற்குத் தகுதியான இடம் எங்கே என்று, போதகர் உம்மிடத்தில் கேட்கச் சொன்னார் என்று சொல்லுங்கள். அவன், கம்பளம் முதலானவைகள் விரித்திருக்கிற மேல் வீட்டிலுள்ள ஒரு பெரிய அறையை உங்களுக்குக் காண்பிப்பான்; அங்கே ஆயத்தம் பண்ணுங்கள்" (லூக். 22:10-13) என்று சொன்னார்.

Read More
காத்துக்கொள்!

"உன்னிடத்தில் ஒப்புவிக்கப்பட்ட அந்த நற்பொருளை நமக்குள்ளே வாசம் பண்ணுகிற பரிசுத்த ஆவியினாலே காத்துக்கொள்" (2 தீமோ. 1:14).

அப். பவுல், மிக முக்கியமான ஆவிக்குரிய ஆலோசனையை, தீமோத்தேயுவுக்கு மட்டுமல்ல, உங்கள் அனைவருக்கும் எழுதுகிறார். உங்களுக்குள் ஒரு நற்பொருள் இருக்கிறது. அதே நேரத்தில், பரிசுத்த ஆவியானவருமிருக்கிறார். உங்களுக்கு தேவன் கிருபையாக கொடுத்த அந்த நற்பொருளை, உங்களுக்குள்ளிருக்கிற பரிசுத்த ஆவியினாலே காத்துக்கொள்ளுங்கள்.

Read More
பிரயோஜனப்படுத்திக் கொள்!

"காலத்தைப் பிரயோஜனப்படுத்திக்கொள்ளுங்கள்" (எபே. 5:16).

ஒவ்வொரு வினாடி நேரமும், கர்த்தர் உங்களுக்குக் கிருபையாக கொடுத்திருக்கிற ஈவு ஆகும். இழந்து போன காலத்தை நீங்கள் திரும்பப் பெற முடியாது. அணை கடந்த வெள்ளம் அழுதாலும் வராது. ஆகவே, காலத்தைப் பிரயோஜனப்படுத்திக் கொள்ளுங்கள்.

Read More
விழித்துக்கொள்!

"தூங்குகிற நீ விழித்து, மரித்தோரை விட்டு எழுந்திரு, அப்பொழுது கிறிஸ்து உன்னைப் பிரகாசிப்பிப்பார்" (எபே. 5:14).

ஒன்று நீங்கள் தூக்கத்தை தெரிந்து கொள்ளவேண்டும்; அல்லது கிறிஸ்துவோடு உறவாடுவதைத் தெரிந்து கொள்ளவேண்டும். சுகபோகத்தை தெரிந்து கொள்ள வேண்டும்; அல்லது தேவனுடைய பிரசன்னத்தைத் தெரிந்து கொள்ளவேண்டும். கர்த்தருடைய கிருபையைப் பெற்றுக்கொள்ளுவதைத் தெரிந்து கொள்ளவேண்டும்.அல்லது கையை முடக்கி நித்திரை செய்வதை தெரிந்து கொள்ளவேண்டும்.

Read More
தப்பிக்கொள்ளும்படி!

"உங்கள் திராணிக்கு மேலாக நீங்கள்சோதிக்கப்படுகிறதற்கு அவர் இடங்கொடாமல், சோதனையைத் தாங்கத்தக்கதாக, சோதனையோடுகூட அதற்குத் தப்பிக்கொள்ளும்படியான போக்கையும் உண்டாக்குவார்" (1 கொரி. 10:13).

சோதனையிலிருந்து தப்பிக்கொள்ளும்படியான ஒரு போக்கை, கர்த்தர் உண்டாக்குவார். ஆங்கில வேதாகமத்தை வாசிக்கும் போது, "தப்பிக்கொள்ளும்படியான ஒரு போக்கை சிருஷ்டிப்பார்" என்று எழுதியிருக்கிறது. எந்த வழியிலும் நீங்கள் தப்பிக்கொள்ளவே முடியாது என்று நினைக்கும்போது, கர்த்தர் நீங்கள் நினைத்திராத ஒரு புதிய வழியை சிருஷ்டித்தாகிலும் உங்களைப் பாதுகாப்பார்.

Read More
பெற்றுக்கொள்ளும்படி!

"பந்தயச் சாலையில் ஓடுகிறவர்களெல்லாரும் ஓடுவார்கள்; ஆகிலும், ஒருவனே பந்தயத்தைப் பெறுவானென்று அறியீர்களா? நீங்கள் பெற்றுக்கொள்ளத்தக்கதாக ஓடுங்கள்" (1 கொரி. 9:24).

கிறிஸ்தவ வாழ்க்கையானது, பந்தயச் சாலையிலே ஓடுகிற ஓட்டத்திற்கு ஒப்பாய் இருக்கிறது. உலகப் பந்தயத்தில், முதலாவது ஓடி வருகிறவன்தான் வெற்றியைப் பெறுவான். ஆனால், இந்த கிறிஸ்தவ பந்தயச் சாலையிலே, முதலாவது ஓடி வருகிறவன் மட்டுமல்ல, ஓட்டத்தை வெற்றியோடு ஓடி முடிக்கிற அத்தனை பேரும் பரிசைப் பெறுவார்கள். உங்கள் ஓட்டம் ஜெயமாய் முடிய வேண்டும். நீங்கள் கிறிஸ்துஇயேசுவுக்குள்ளாக, வேதவசனத்தின்படி ஓட வேண்டும்.

Read More
பெற்றுக்கொள்!

"ஆதலால், நீங்கள் ஜெபம்பண்ணும் போது எவைகளைக் கேட்டுக்கொள்வீர்களோ, அவைகளைப் பெற்றுக்கொள்வோம் என்று விசுவாசியுங்கள், அப்பொழுது அவைகள் உங்களுக்கு உண்டாகும்" (மாற்கு 11:24).

கர்த்தர் உங்களுடைய ஜெபத்தைக் கேட்கிறவர், ஜெபத்திற்கு பதிலளிக்கிறவர். மட்டுமல்ல, "பதிலளிப்பேன்" என்ற இனிமையான வாக்குத்தத்தத்தைத் தந்ததுடன், அதைக்குறித்ததான உடன்படிக்கையையும் உங்களோடுகூட செய்கிறவர்.

Read More
தெரிந்துகொள்!

"அவன் மிகுந்த ஆஸ்தியுள்ளவனாயிருந்தபடியால், இந்த வார்த்தையைக் கேட்டு, மனமடிந்து, துக்கத்தோடே போய்விட்டான்" (மாற்.10:22).

ஒரு வாலிபன் இயேசுவைப் புறக்கணித்து, தன்னுடைய ஆஸ்தியைத் தெரிந்து கொண்டு, மனமடிந்து, துக்கத்தோடே போவிட்டான். அவன் இயேசுவிடம் வரும் போது நன்றாகத்தான் வந்தான். "அவன் ஓடிவந்து, அவருக்கு முன்பாக முழங்கால்படியிட்டு, நல்ல போதகரே, நித்தியஜீவனைச் சுதந்தரித்துக்கொள்ளும்படி நான் என்ன செய்ய வேண்டும் என்று கேட்டான்" (மாற். 10:17). அவன், ‘ஓடி வந்தான்’ என்று வேதம் சொல்லுகிறது.

Read More
மேற்கொள்!

"பாதாளத்தின் வாசல்கள் அதை மேற்கொள்வதில்லை" (மத். 16:18).

கடற்கரையிலே நின்று அலைகளை பார்த்துக் கொண்டிருந்தால், பெரிய பெரிய அலைகள் மிக பயங்கரமாய் சீறிக்கொண்டு, சுழன்று அடித்துக் கொண்டு வருவதைக் காணலாம். அது கரைக்கு வந்தவுடனே, ஏதோ ஒரு தெவீக சக்திக்கு கட்டுப்பட்டது போல, திரும்ப கடலுக்குள் சென்றுவிடும். ஆயிரம் ஆயிரம் அலைகள் வந்து கரையை மோதியடித்தாலும், கர்த்தர் அவைகளுக்கெல்லாம் ஒரு எல்லையைக் குறித்திருக்கிறார். அதைத் தாண்டி வந்து, அவை ஜனங்களை மேற்கொள்ளுவதில்லை.

Read More
ஏற்றுக்கொள்!

"என் நுகத்தை உங்கள்மேல் ஏற்றுக்கொண்டு, என்னிடத்தில் கற்றுக்கொள்ளுங்கள்; அப்பொழுது, உங்கள் ஆத்துமாக்களுக்கு இளைப்பாறுதல் கிடைக்கும்" (மத். 11:29).

கிறிஸ்துவினுடைய நுகத்தை உங்கள் ஆத்துமாவின்மேல் ஏற்றுக்கொள்ளும்போது, அவர் தெவீக இளைப்பாறுதலை உங்களுக்குத் தந்தருளுவார். பண்டைய நாட்களில் ஏர் உழுவதற்கோ அல்லது வண்டி இழுப்பதற்கோ மாடுகளைப் பயன்படுத்துவார்கள்.

Read More
கற்றுக்கொள்!

"என் நுகத்தை உங்கள்மேல் ஏற்றுக்கொண்டு, என்னிடத்தில் கற்றுக்கொள்ளுங்கள்" (மத். 11:29).

எப்படி பரிசுத்தமாக வாழுவது? அதை எப்படி கற்றுக்கொள்ளுவது? ஆம், பரிசுத்தத்தை நீங்கள் இயேசுவிடத்திலிருந்து கற்றுக்கொள்ளுங்கள். இயேசுவின் வாழ்க்கையெல்லாம் பரிசுத்தமாகவேயிருந்தது. அவர், நம்மைப்போல மாம்சமும் இரத்தமுமுடையவரானார். நம்மைப்போல எல்லாவிதத்திலும், அவர் சோதிக்கப்பட்டார். ஆனாலும், அவர் பாவமில்லாத பரிசுத்தராய் விளங்கினார்.

Read More
திடன் கொள்!

"மகளே, திடன்கொள், உன் விசுவாசம் உன்னை இரட்சித்தது என்றார். அந்நேரம் முதல் அந்த ஸ்திரீ சொஸ்தமானாள்" (மத்.9:22).

வியாதிகள், ஒரு மனுஷனுடைய வாழ்க்கையை திடனற்றுப் போகச் செய்கிறது. குடும்ப அமைதியைக் கெடுக்கிறது. சரீர ஆரோக்கியத்தைப் பாழாக்குகிறது. உள்ளத்தை சோர்ந்து போகப்பண்ணுகிறது. பெரும்பாடுள்ள ஒரு ஸ்திரீயை குறித்து வேதம் சொல்லுகிறது, அவள் பன்னிரெண்டு ஆண்டுகள் உதிரப்போக்கினால் மிகவும் கஷ்டப்பட்டுக் கொண்டிருந்தாள்.

Read More
அண்டிக்கொள்!

"அவரை அண்டிக்கொள்ளுகிற யாவரும் பாக்கியவான்கள்" (சங். 2:12).

கிறிஸ்துவின் வருகை, உலகத்தாரை இரண்டு பகுதிகளாகப் பிரிக்கும். அவரை அண்டிக் கொள்ளுகிறவர்கள், பாக்கியவான்களாய் அவருக்கு எதிர்கொண்டு போவார்கள். அவரைப் புறக்கணிக்கிறவர்கள், கைவிடப்பட்டு பரிதாபமாய் அந்தி கிறிஸ்துவின் கரத்திலே சிக்குண்டு போவார்கள்.

Read More
புசித்து பெலன் கொள்!

"பின்பு அவர் என்னை நோக்கி: மனுபுத்திரனே, நீ காண்கிறதைப் புசி; இந்தச் சுருளை நீ புசித்து, இஸ்ரவேல் சந்ததியாரிடத்தில் போய் அவர்களோடே பேசு என்றார்" (எசே. 3:1).

நீங்கள் வேத வசனங்களை வாசிக்கும்போது, அது உங்கள் ஆத்துமாவிற்குள் திடமான உணவாக செல்லுகிறது. கர்த்தர், எசேக்கியேல் தீர்க்கதரிசியினிடத்தில்: "நீ இந்த சுருளை புசித்து, இஸ்ரவேல் சந்ததியாரிடத்தில் போய் அவர்களோடே பேசு" என்றார். ஜனங்களிடத்தில் போய் கர்த்தரைக் குறித்து பேசுவதற்கு முன்பாக, அவருடைய வசனங்களை, நீங்கள் உணவைப் போல உட்கொள்ள வேண்டியது அவசியம். அதுவே உங்களுக்கு சத்துவத்தையும், பெலனையும் தருகிறது.

Read More
திருப்பிக்கொள்!

"ஒன்றும் குறைவுபடாமல் எல்லாவற்றையும் தாவீது திருப்பிக்கொண்டான்" (1 சாமு. 30:19).

ஒருமுறை தாவீதுக்கு மிகப் பெரிய நெருக்கம் வந்தது. அவன் தன் சொந்த பட்டணத்திற்கு வந்தபோது, அது அக்கினியால் சுட்டெரிக்கப்பட்டிருந்ததையும், அங்கே தன் மனைவி பிள்ளைகள் யாவரும் சிறைப்பிடித்துக் கொண்டுப்போகப்பட்டதையும் கண்டான். தாவீது எல்லாவற்றையும் இழந்து வேதனையோடு அங்கலாத்தான். "அப்பொழுது தாவீதும் அவனோடிருந்த ஜனங்களும், அழுகிறதற்குத் தங்களில் பெலனில்லாமல் போகும்மட்டும் சத்தமிட்டு அழுதார்கள்" (1 சாமு. 30:4).

Read More
தொழுதுகொள்!

"நம்முடைய தேவனாகிய கர்த்தரை நாம் தொழுதுகொள்ளுகிறபோதெல்லாம், அவர் நமக்குச் சமீபமாயிருக்கிறதுபோல, தேவனை இவ்வளவு சமீபமாய்ப் பெற்றிருக்கிற வேறே பெரிய ஜாதி எது?" (உபா. 4:7).

கர்த்தர் எப்பொழுதுமே என் சமீபமாயிருக்கும்படி, நான் அவரைத் தொழுது கொள்ளுவேன், ஆராதிப்பேன், போற்றி புகழ்ந்து பாடுவேன் என்று நீங்கள் தீர்மானிப்பீர்களானால், நாள் முழுவதும் மகிமையான தேவ பிரசன்னம் உங்களைச் சூழ்ந்துகொள்ளும். தேவ சமுகம் உங்களுக்கு முன்செல்லும். பூச்சக்கரத்திலுள்ள எல்லா ஜனங்களிலும், நீங்கள் பாக்கியவான்களாயிருப்பீர்கள்.

Read More
சுதந்தரித்துக் கொள்!

"நீ போய் அதைச் சுதந்தரித்துக்கொள்; பயப்படாமலும் கலங்காமலும் இரு" (உபா. 1:21).

"சுதந்தரித்துக்கொள்ளுங்கள்" என்பதே, கர்த்தருடைய ஆலோசனை. கர்த்தர் உங்களை எந்த இடத்தில் வைத்திருக்கிறாரோ, அந்த இடத்தை உங்களுக்கு சுதந்தரமாகக் கொடுப்பார். "நீங்கள் கால்மிதிக்கும் இடத்தையெல்லாம், உங்களுக்கு சுதந்தரமாகக் கொடுப்பேன்" என்று கர்த்தர் வாக்களித்திருக்கிறார்.

Read More
நிலைத்திருங்கள்!

"இப்படியிருக்க, பிள்ளைகளே, அவர் வெளிப்படும்போது நாம் அவர் வருகையில் அவருக்கு முன்பாக வெட்கப்பட்டுப்போகாமல் தைரியமுள்ளவர்களாயிருக்கும்படிக்கு அவரில் நிலைத்திருங்கள்" (1யோவான் 2:28).

நீங்கள் கிறிஸ்துவிலே ஏன் நிலைத்திருக்க வேண்டும் என்பதற்கு, அப். யோவான் இரண்டு காரியங்களை சுட்டிக்காண்பிக்கிறார். ஒன்று, நீங்கள் வெட்கப்பட்டுப் போகாமலிருக்க வேண்டும். அடுத்தது, தைரியமுள்ளவர்களாயிருக்க வேண்டும்.

Read More